Charles Schwab официјално започна со директно (spot) тргување со Биткоин и Етереум. Овој потег може многу да го промени крипто пазарот. Сега, милиони клиенти ќе можат да купуваат и продаваат криптовалути директно преку нивната брокерска платформа. Не само тоа, ова е голем чекор бидејќи досега клиентите на Schwab имаа пристап до крипто само преку индиректни инструменти како ETFs.
“Schwab Crypto“ – Нова Ера за Инвеститорите
Според официјалната објава на Charles Schwab, новата услуга ќе биде наречена “Schwab Crypto“. Оваа услуга ќе овозможува тргување преку специјализирана крипто сметка поврзана со постоечкиот профил на клиентот. Тие ќе можат да управуваат со своите криптовалути заедно со останатите инвестиции, што носи ново ниво на интеграција.

Кога станува збор за безбедност, Charles Schwab кажа дека ќе ги чува криптовалутите преку својата банкарска инфраструктура. Од другата страна, Paxos ќе носи техничка поддршка за извршување на трансакции.
Лансирањето на платформата ќе се одвива во фази, но со почетен фокус на Биткоин и Етереум. Во иднината, компанијата планира да додаде и други криптовалути како и функционалности за депозити и повлекувања. Ова значи дека луѓето ќе можат да ги префрлаат своите постоечки криптовалути во рамките на Schwab екосистемот.
Традиционалните Финансии подлабоко во Крипто
Влегувањето на Charles Schwab во директно крипто тргување покажува како се комбинираат традиционалните финансии и криптовалутите. И други големи институции како Goldman Sachs веќе ги проширија своите крипто понуди. Но, главно преку ETF. Сепак, директното тргување останува е сеуште ретко. Ова го прави потегот на Schwab уште позначаен.
Што Значи ова за Крипто Пазарот?
Овој развој може да донесе нов бран на ликвидност и интерест за крипто пазарот. Ова е особено точно за инвеститори кои сакаат лесен и сигурен пристап до криптовалути. Интеграцијата во традиционални платформи ја намалува бариерата за влез и ја зголемува довербата кај нив.
Дополнително, ваквите потези ја зајакнуваат позицијата на Биткоин и Етереум како легитимни инвестициски средства. Кога станува збор за нив, нивните цени се во раст. CoinMarketCap покажува дека цената на BTC и ETH се качиле над 5% во последните седум дена.

Не само тоа, Investing.com покажува дека техничките индикатори покажуваат позитивен моментум за BTC. Исто така, може да се видат позитивни технички индикатори за ETH според Investing.com. На пример, 14-дневните RSI индикатори се над 64 и 59 поединечно. Ова значи дека цените на овие криптовалути имаат уште простор за раст пред можен пад.
Почеток на Нова Финасиска Ера?
Со лансирањето на директно BTC и ETH тргување, Charles Schwab испраќа јасна порака дека криптовалутите стануваат дел од главниот финансиски систем. Ова може да биде почеток на нова ера каде луѓето ќе управуваат со акции и крипто на едно место. Ако трендот продолжи, разликата помеѓу традиционалните и дигиталните средства може целосно да исчезне.









