Најновиот потег на BitMine Immersion Technologies со купување над 71,000 ETH за само една недела гo врати вниманието на крипто пазарот. Овој потег пристига откако BitMine купи 65,341 ETH претходната недела. Не само тоа, може да се види зголемена акумулација во време на зголемени геополитички тензии. Притоа, Tom Lee го нарече криптото како ново “воено злато”.
BitМine Ја Зголемува Својата Крипто Акумулација
Според последните податоци, BitMine Immersion Technologies купи точно 71,179 Ethereum во текот на една недела. Со оваа купувачка, вкупните резерви на BitMine достигнаа околу 4.73 милиони ETH додека пак тоталните крипто резерви стигнаа до $10.7 билиони.

Ова претставува значително зголемување во однос на претходниот месец, кога компанијата купуваше во просек меѓу 45.000 и 50.000 ETH неделно. Новото темпо јасно покажува дека BitMine ја засилува својата стратегија за крипто акумулација.
Крипто како “Воено Злато”
Претседателот на компанијата, Tom Lee, изјави дека оваа купувачка е базирана на фактот дека криптовалутите почнуваат да се однесуваат како сигурно засолниште во време на криза.
Имено, Ethereum криптото остварија подобри резултати од поширокиот пазар како што војната во Иран влегува во својата 5-та недела. Тој кажа дека ETH ги надмина акциите за 1.160 базични поени. Ова е значителен контраст со златото кое имаше пониски перформанси од повеќе од 750 базични поени.
Овој перформанс истотака покажува дека побарувачката за крипто е зголеменена во време на глобална несигурност.
Глобалната Ситуација Го Менува Пазарот
Растечките тензии во светот, особено на Блискиот Исток, имаат силно влијание врз одлуките на инвеститорите. Во вакви услови, инвеститорите бараат алтернативи на традиционалните средства, што го отвора патот за криптовалутите. Ethereum, со својата широка употреба во DeFi станува сè попривлечен избор за големите играчи.
Техничките Индикатори на Ethereum Се Црвени
Кога станува збор за цената на Ethereum, може да видиме дека е во пад. Според CoinMarketCap, ЕТH паднала од $2,160 до $2,000 во последните седум дена. Ова е над 5% пад за цената на Ethereum.

Техничките индикатори исто така покажуваат лоша слика за оваа криптовалута. На пример, Investing.com покажува RSI со вредност од 38.408 во последните 14 дена. Ова е знак на можен континуитет за падот на цената на Ethereum.
Стратегија Што Може Да Донесе Раст
Агресивната акумулација од страна на BitMine може да и помогне на оваа криптовалута во иднината. Кога големи играчи купуваат во вакви количини, тоа често сигнализира доверба во идниот раст. Дополнително, намалувањето на достапната понуда на пазарот може да создаде притисок за раст на цената на Ethereum.
Не само тоа, потегот на BitMine и изјавите на Tom Lee укажуваат на важна промена во начинот на кој луѓето ги гледаат криптовалутите. Тие повеќе не се гледаат само како ризични инвестиции, туку и како потенцијално засолниште во време на криза.
Ако овој тренд продолжи, Ethereum и поширокиот крипто пазар би можеле да добијат уште поголема улога во глобалниот финансиски систем. Ова е особено точно во моменти кога традиционалните средства покажуваат слабост.









