Крипто пазарот реагираше на глобалните настани откако Доналд Трамп најави ултиматум на Иран. Имено, Биткоин цената успеа да ја пробие границата од $69,000 откако Трамп кажа дека ќе има воени напади врз Иран во вторник навечер ако не го отворат протокот кај Хормуз. Со техничките индикатори исто позитивни, оваа криптовалута можеби ќе продолжи да расте во вредност.
Биткоин Цената над $69,000 по Изјавата на Трамп
Неодамна, Доналд Трамп изјави дека Иран има до вторник навечер да го отвори протокот кај Хормуз или ќе следуваат воени напади. Оваа геополитичка тензија веднаш се одрази врз движењето на Биткоин криптото, кој често се смета за „сигурно засолниште“ во време на глобална нестабилност.

Во текот на понеделникот, CoinMarketCap покажува дека Биткоин цената успеа да ја пробие психолошката граница од $69,000 за првпат од почетокот на Април. Криптовалутата забележа раст од околу 5% во минатата недела и се движеше од $67,000 до $69,000. Во еден момент, цената успеала да стигне и до $69,900.

По краток период на корекција, цената се стабилизираше околу $69,000, што укажува на силна поддршка на новото ниво. Овој пробив се смета за важен сигнал дека крипто пазарот повторно добива на сила.
Следни Цели: $72,000 за Оваа Криптовалута
Доколку Биткоин успее да се задржи над повторно освоеното ниво од $69,000, инфлуенсерите предвидуваат голем раст за цената. На пример, Crypto Tony направи објава на својот X профил кој ги возбуди трејдерите. Имено, тој очекува следниот отпор да се движи во зоната помеѓу $70,000 и $72,000.
Ова ниво е особено важно, бидејќи претставува психолошка и техничка бариера. Ако Биткоин цената успее да ја пробие оваа бариера, може да се отвори простор за нов бран на раст пак.
Позитивни Технички Индикатори
Техничката анализа дополнително го поддржува ова предвидување за можен раст на Биткоин цената. Имено, Investing.com индикаторите за BTC сигнализираат засилен моментум и зголемен интерес од инвеститорите.
На пример, MACD (12,26) индикаторот моментално има вредност од 557 за оваа криптовалута. Голем позитивен број како овој генерално укажува на силен нагорен тренд. Да појасниме, подвижниот просек од 12-дневниот период е далеку над подвижниот просек од 26-дневниот период, што укажува на биковски тренд за Биткоин криптото.
Не само тоа, 14-дневниот CCI индикатор истотака е во позитивната зона со вредност од 144. Бидејќи овој индикатор се пробил над +100, нов силен тренд на пораст можеби се спрема за Биткоин цената.
Криптото Реагира на Глобалните Случувања
Овие настани покажуваат дека Биткоин не е изолиран од светските настани и дека неговата цена е зависна од нив. Важно е да напоменеме дека во еден момент, Биткоин цената дури падна до $66,000 одкако Трамп кажа дека нападите врз Иран ќе продолжат.
Пробивот над $69,000, заедно со позитивните технички сигнали, сугерира дека Биткоин цената може да се подготвува за ново растење. Ако овој моментум продолжи, следните денови би можеле да бидат клучни за насоката на целиот крипто пазар.









